Damdawi-inah King Charles III dah lut

Britain lal, King Charles III chu a cancer enkawl meknaah side effect a neih avangin damdawi-inah Ningani khan dah luh a nih thu Buckingham Palace chuan a tarlang.

Kum 76 mi, King Charles hi nikum kumtir lam khan cancer a vei tih puan a ni a, mahse eng cancer ber nge tih erawh sawi lan a ni lo. Kum khat chuang a cancer natna hi enkawl a ni a, hun eng emaw chen public duty aṭangin chawl mah se hemi chhung hian sorkar hmalakna enpui leh Prime Minister meeting te erawh a neihpui ṭhin tho a ni.

King Charles mo, Princess of Wales pawh nikum vek khan cancer a vei tih hriat a ni bawk a, ani pawh hun eng emaw chen enkawl a nih hnuah enkawl dam niin nikum September thla tawp lam aṭang khan mipui hmaa inlanin public duty a neihte a thawk chhunzawm leh tawh a ni.