EU-in an member ram mipuite mamawh chhek khawl turin chah

European Union chuan an bloc member ram 27-a mipuite chu indo na thlen palh thei tur lakah inbuatsaih tura chahin, darkar 72 daih ei tur leh tui bakah mamawh zualte chhek khawl turin a chah.

NATO secretary-general Mark Rutte chuan Russia chu kum 2030-ah pawh Europe chu a la bei leh thei a ni tiin, Poland leh ram dangte a bei a nih chuan na takin ṭangrual ramte chuan an chhang let dawn a ni, a ti. "Kan chhan letna chu a na viau ang," tiin a sawi. He thu hi Russia in missile hmanga Ukraine-a Sumy khua a beih hnuah a sawi a ni.

Preparedness and Crisis Management Commissioner Hadja Lahbib chuan tun hma aiin Europe in beih a tawh theihna chu a nasa zawk a ni, a ti. Indo na thleng thei bakah, leilung chhiatna, cyberattack leh chhiatna dang thleng thei lakah pawh an inbuatsaih a ṭul thu a sawi.