Thailand PM-in fiahna paltlang

Thailand prime minister Paetongtarn Shinawatra chuan eptuten Parliament-a rin tawk lohna motion an put luh chu a paltlang.

Eptu party-te hian Prime Minister hi a pa, PM hlui Thaksin Shinawatra-a'n a duh dan ang anga a thunun nia puhin, an ram kaihruai tura an rin tawk loh thu an sawi. Mahse no-confidence motion an put luha vote lakah, MP 319 chuan PM hi ring tawkin an thlawp a ni, motion thlawp lamah vote 162 a tla ve bawk a, MP pasarihin an hai thung.

Paetongtarn-i pa, Thaksin hi Thailand-a politician huhang ngah ber zinga mi a ni. PM aṭanga paihtlak a nih hnuah ram dangah a tlanchhia a, kum 15 zet a tlanchhiat hnuah kum 2023 khan an ramah hian a kir a ni. A kir hnuah hian eiruk leh thuneihna hmang dik loa puhna thubuaia kum riat tang tura hremna chu an ram lalin a ngaidam a ni.

Phei Thai Party kaihhruai ṭangrual sorkara prime minister atan Paetongtarn hi nikum khan lak luh a ni. Thailand PM ni thei naupang ber a nih bakah, hmeichhia PM ni thei pahnihna a ni bawk.