President Trump-an ‘travel ban’ thar a siam dawn

President Donald Trump sorkar chuan US tlawhtumte tan khuahkhirhna thar siam a tum. Hei hian ram 41 a ngawng dawn a ni. Policy thar duan chhinah hian category 3 (red list, orange list leh yellow list) - ah ram hrang hrang ṭhen niin, khuahkhirhna chi hrang hrang siam a ni.

President Trump-an January 20, 2025 khan executive order hmangin state department-te chu ni 60 chhunga zinmite khuahkhirhna dan hi peihfela hmang ṭan nghal turin thupek a lo chhuah tawh a, hei vang hian khuahkhirhna dan thar hi hman a nih thuai a rinawm.

Red list-ah hian Cuba, Iran, Libya, North Korea, Somalia, Sudan, Syria, Venezuela, Yemen, Afghanistan leh Bhutan-te an awm a, heng rama awmte chu US luhphalsak an ni dawn lo.

Orange list zingah Russia, Pakistan leh Myanmar-te awmin, hemi list-a awmte chuan hun rei lote chhung chauh US-a cham phalsak an ni dawn. US-a pem erawh phalsak an ni dawn lo.

Yellow list-ah hian Africa leh Caribbean ramte an awm tlangpui. Hemi list-a awmte hi 60 chhung insawifiahna hunpek an ni dawn a, a ram sorkarin insawifiahna ṭha tak an pe thei lo a nihchuan red list-ah emaw yellow list-ah emaw dah anni ang.

Trump-a hian a term hmasalamahpawh ‘travel ban’ hi a lo siamtawh a, Joe Biden khan ram tihmelhemtu a ni tiin a sorkar lai khan a sut a ni. Amaherawh chu Trump-a hian a campaign lai aṭangin thlantlin leh a nih chuan zinmite khuahkhirhna hi a thar thawhleh dawn tih a lo tiam ve bawk.

Tlantlin leh a nih hnua office-a kal hmasak ber niah Trump chuan,zinmite khuahkhirhna dan hi thar thawhleh a ngai tiin executive order a tichhuak nghal a ni.