Canada Prime Minister thar tur Mark Carney

Canada prime minister Justin Trudeuau-a'n PM a nihna aṭanga a ban tur thu January thlaa a puan hnuah, a thlak turin rorellai Liberal Party hruaitu atan Mark Carney thlan a ni.

Pathiannia Liberal Party hruaitu thlannaah hian Carney chuan vote 86% a hmu a ni. Thlan tlin a nih hnuah thu a sawina hmasa berah Carney chuan US president Donald Trump-a thusawi chhang let nghalin, Canada chu eng tikah mah America-ah bet dawn lo tih a sawi. President Trump hian Canada hi US state 51-naa siam a duh thu a sawi tawh a ni. Hei hi chhangin Carney chuan, "America hi Canada a ni lo. Canada hi eng kawng zawng pawhin US ah a bet ngai dawn lo," a ti. US-in Canada bungrua a chawk luhah chhiah tihsan a tumna pawh an chhan let ve tur thu a sawi.

Kum 59 mi, Canada Prime Minister thar tur hi politics lamah hnuhma a la nei lo a, Bank of Canada leh Bank of England hotu a ni ṭhin. Kum 2011-2018 chhung khan Financial Stability Board chairman a ni bawk.