Doctor-in Imran Khan hriselna an endik

Pakistan prime minister hlui, jail-a tang mek Imran Khan hriselna a ṭha lo nia sawi a nih hnuah, Thawhṭanni khan doctor team chuan a tanna, Rawalpindi-a Adiala jail tlawhin a hriselna dinhmun an endik.

Imran Khan-a party, Pakistan Tehreek-e-Insaf (PTI) information secretary, Sheikh Waqqas Akram chuan Imran Khan hi jail-ah hian mi dang tlawh pawh theih loha khung hran a nih lthu a sawi. An dahna cell chu firfiakte awmna tura tih a ni tiin a sawi a, hetiang hmuna prime minister hlui dah leh an enkawl dan chu thil zahthlaktak a ni, a ti.

PTI chuan court-in Khan hi mi paruk chinin a hmuh phalsak mah se, thuneitu lam chu tumah a hmuh an phalsak lo niin an sawi bawk a, a nupuiin hmuh a tum pawh vawi hnih an hnawlsak tawh tih an sawi.

Imran Khan hi Pakistan prime minister aṭanga no-confidence vote hmanga paihthlak a nih hnuah, thubuai tam tak siamsak a ni tawh a, a thubuai ṭhenkhatah thiam loh chantir a ni tawh bawk. Kum 2023, August 5 khan man a ni.

Jail-a Imran Khan hriselna endik tura kalte hi doctor pali niin, ENT specialist Dr Altaf Hussain-a'n a ho a, minute 30 chhung vel an endik a ni.