Ghana MP-ten anpui kawp khapna bill pu lut leh

Ghana Parliament-ah MP 10-te chuan an rama mahni anpui kawp khapna bill khauh tak chu an pu lut nawn leh. He bill hmang hian mahni anpui kawp chu kum thum thleng lung-in tantir theih a nih bakah, anpui kawp chawilartu leh advocate-te chu kum 5-10 thleng tantir theih an ni bawk.

Bill hi nikum khan Parliament-ah pass a ni tawh a, mahse president kal chhuak ta Akufo Addo chuan law-a chantir turin a hming a ziah hnan duh lo a ni. Bill hi a thih hman tak avangin MP-te hian an rawn pu lut ṭha leh ta a ni. International human rights group leh ramchhunga pawl ṭhenkhat chuan he bill hi an sawisel nasa hle a, hremna na tak pek theih a nih avangin dan sakei tiin an sawi hial a ni. Mahse a thlawptu lam chuan Ghana culture leh chhungkaw hlutna vawnhimna tur niin an ṭan thung.

President John Dramani Mahama chuan bill chungchang hi a zau thei ang bera sawi ho a ni phawt dawn a, mi hrang hrang an rawn kual dawn tih a sawi.