Afghanistan-ah ruah leh rial sur vangin mi 29 an thi

Afghanistan-a province pahnihah Thawhlehni khan ruah leh rial nasa takin a sur a, chhiatna a thlenah mi 29 an thi a, hliam tuar paruk an awm bawk.

Farah province-a disaster management department hotu, Mohammad Israel Sayar chuan an province-ah thi 21 awmin, heng mite hi chhungkaw hnih amite an nih thu a sawi. Picnic tura kal an ni tih a sawi bawk.

Kandahar chhim lamah ruah leh rial sur vangin mi pariat an thi bawk a, an zingah hian naupang pawh an tel.

Khawvela ram rethei ber zinga mi, Afghanistan hi sik leh sa inthlak danglam tuar nasa ber zingah a tel a, kumtinin khaw kheng leh tuilian avangin harsatna a tawk a ni. Nikum May thla khan tuilian vangin mi tam tak an thi a, an thlai chinna ram zau tak a ti chhe bawk.