China-in military rules siamṭha dawn

China president, Central Military Commission chairman ni bawk, Xi Jinping chuan an ram military rules ennawn a, siamṭhatna tur thupek a ti chhuak.

Kaihhruaina dan ennawn hi April 1, 2025 aṭanga hman ṭan nghal tur niin, he dan siamṭhat hmang hian an ram sipaite chu world-class armed forces-ah siam tum a ni. Dan ennawn tura tihte hi interior order, code of conduct leh military formation chungchang a ni. Interior order hnuaiah hian sipaite landan leh khawsak dan, chawlh an lak leh training an neih dante siamṭhat a ni dawn. Code of conduct hnuaiah hian sipai hna thawk ṭhate chawimawina, dan bawhchhia hremna leh a kaihhnawih dante siamṭhat a ni bawk ang. Military formation-ah hian khawmual, tuipui, lawng chawlh hmun leh boruakah military parade neih a nih dante siamṭhat a ni bawk ang.