Khualzin phur thlawhtheihna leh Black Hawk helicopter insu

Khualzin phur American Airlines thlawhtheihna leh Black Hawk helicopter chu US huna Nilaini zan khan Washington DC-ah boruakah an insu a, Potomac River-ah an tla zui a ni. Lui aṭang hian ruang 19 lak chhuah a ni tawh.

American Airlines thlawhtheihna, fligth 5342 hi Wichita, Kansas aṭanga thlawk chhuak niin khualzin 60 bakah crew member pali an chuang. Black Hawk Sikorsky H-60 ah hian sipai pathum an chuang bawk. Fort Belvoir, Virginia aṭang thlawk chhuak niin, training lai an nih thu Pentagon chuan a sawi.

Thlawhtheihna pahnih hi Ronald Reagon Washington National Airport bul hnaiah, an ram huna Nilaini zan dar 9 vel khan a insu a ni. Federal Aviation Adminstration chuan khualzin phur thlawhtheihna hian airport runway lam a pan laiin sipai helicopter hi a su niin an tarlang.

Chetsualna thleng vang hian Ronald Reagan Airport-a thlawhtheihna thlawk chhuak tur leh ṭum tur pawh tih tawp nghal vek a ni.

Potomac River-ah hian thlawhtheihna pahniha chuangte zawn hna hi thawh mek a ni a, he chetsualna thlan dan pawh hi chhui chian a nih tur thu Pentagon chuan a sawi bawk.