Nepal-in Mt Everest lawn tur tan permit fee ti to

Nepal sorkar chuan an ram aṭanga khawvel tlang sang ber, Mount Everest lawn turte hnen aṭanga permit fee a lak ṭhin chu 35% chuangin a ti to. Hei hi kum sawm dawn hnuah fee a tih to ṭum khatna a ni.

Mount Everest bakah tlang dang lawn turte hnen aṭanga permit fee a lak leh, an sum sen dangte chu Nepal sum lak luhna hnar ṭha tak niin, mi tam takin eizawnna an neih phah bawk. Nepal ramah hian khawvela tlang sang 14 zingah pariat a awm.

Department of tourism-a director general, Narayan Prasad Regmi chuan meter 8,849-a sang, Mount Everest lawn turte hnen aṭanga fee an lak ṭhin, USD 11,000 chu USD 15,000 ah tih san a nih thu a sawi. He rate thar hi September aṭangin hman ṭan a ni ang. September thlaa tlang lawn turte tan hian April-May season a dil a ngai a ni. September-November leh December-February season-a tlang lawn turte tan permit fee tih USD 7,500 a ni thung dawn. Heng hunlai hian tlang lawn hi an tlem deuh ṭhin.