Bangkok airport-ah WiFi a chak ber

Thailand khawpui, Bang­kok-a Survarnabhumi Airport chu khawvela WiFi service chakna ber nia sawi a ni.

The Bangkok Post chuan internet speet-test watchdog, Rot­tenWifi-in khawvel ram hrang hranga airport 130 chuangte a zirchian hnuah, result hi a tichhuak tiin a sawi.

RottenWifi chuan Suvar­nabhumi-a WiFi speed hi 41.45 mbps a ni tih sawiin, airport dangte a khum vek tih a sawi. A dawttu chu Chattanooga, Tennessee airport niin, WiFi speed chu 30.99 mbps a ni.

Dublin Airport chu pathum­na a ni a, a speed hi 19.45 mbps niin, Vilnius leh Helsinki Air­port-te'n an dawt.

Suvarnabhumi airport-ah hian registration tih aṭanga dar­kar hnih chhung a thlawnin WiFi hi hman theih a ni.