China-ah Sri Lanka President a zin

Sri Lanka president Anura Kumar Dissanyake chu ni li cham turin nimin khan China-ah a zin. A cham chhung hian China president Xi Jinping bakah mi pawimawh dangte kawmin, ram pahnihte inzawma ṭha zawk siam dan turte a sawipui ang.

President Dissanyake hi Beijin-ah deputy foreign minister Chen Xiaodong chuan lo dawngsawngin, sipai chawmdawina nen lo hmuah a ni. Nikum September thlaa Sri Lanka President atana lak luh a nih hnuah ram pawn lama a zin chhuah vawi hnihna a ni a, a hmain India a lo tlawh tawh a ni. China ram hruaitu a kawm tur zingah hian President Xi bakah premier Li Qiang leh National People's Congress of China-a Standing Committee chairman Zhao Leji pawh an tel.

China rama a cham chhung hian Sri Lanka leh China inlaichinna siamṭhatna leh thawhdunna tur, memorandum of understandings (MoU) eng emaw zat an ziah rin a nih thu Sri Lanka Presidential office thuchhuah chuan a tarlang. Presideng hi high-level team in an zui a, an zinga hian foreign affairs minister Vijitha Herath leh transport, highways, ports and civil aviation minister Bimal Rathnayke te pawh an tel.