Vaccine rualkhai taka sem duh
Tunisia President Kais Saied chuan coronavirus vaccine chu siamchhuah a nih hunah, ram zawng zawng tan rualkhai taka sem a duh tih a sawi.
United Nations-in Covid-19 hri leng chungchangah General Assembly Special Session a buatsaih thu a sawiah, President Saied chuan vaccine semchhuah kawngah ram hrang hrangte thawhhona ṭha siam a pawimawh thu leh, he hi dah pawimawh hmasak a ṭul thu a sawi.
Mi mtd 1.5 chuangin Covid-19 thihpui tawh
Hripui leng mek, Covid-19 vangin khawvel pumah mi maktaduai 1.5 chuangin nunna an chan tawh a, hri kai hmuh chhuah tawh hi mi maktaduai 65 dawn an tling tawh bawk. Kar liam ta chhung khan Covid-19 vanga thi hi ni khatah mi 10,000 chuang zel awm anga chhut a ni a, ram tam zawkin hri leng thawh hnihna leh thawh thumna an tuar mek a ni. Khuahkhirhna te pawh a hma aia khauh zawkin an siam leh hlawm a ni.
World Health Organisation chuan coronavirus vanga thi hi nikuma tuberculosis vanga thi aiin an tam tawh a, nikum veka malaria vanga thi aiin a let liin an tam tawh bawk niin a tarlang.
Khawvel puma Covid-19 vanga thi zinga 50% aia tam chu North America leh Latin America rama mi an ni.