Covid-19 vangin Journalist 500 thi tawh
Khawvel puma hripui leng mek, Covid-19 vangin ram 56-ah journalist 500 vel an thi tawh niin Switzerland-a international media rights body, Press Emblem Campaign chuan a tarlang. Media rights body chuan November thla chhung bik khan media mi leh sa 47 chu Covid-19 vang hian an thi tih a sawi a ni.
PEC general secretary Blaise Lempen chuan, "Vanduaithlak takin Covid-19 hian media industry-a thawk tam tak nunna a laksak tawh a ni. India, Brazil, Argentina leh Mexico-ahte journalist thi hi an pung zel a ni," a ti.
Covid-19 vanga journalist nunna chan zinga a zahve aia tam hi Latin America mi niin, Asia-ah 125 an awm a, Europe-ah 38, North America-ah 26 leh Africa-ah 24-in nunna an chan tawh a ni. Peru chu ram khatah hripui vanga journalist thi tamna ber niin, media mi leh sa 93-in an thihpui tawh a, India chu a dawt niin 51 an thi tawh a ni.