Israel-in 'dirty bomb' a enchhin

Israel chuan a ram chhim lama thlalerah dirty bomb 20 a enchhin nia sawi a ni.

Dirty bomb tia sawi hi radiologicial dispersal device a ni a, International Atomic Energy Agency chuan eng ram leh pawl mahin dirty bomb hi an la hmang ngai lo niin a sawi.

Israel defence ministry thupuangtute chuan hemi chungchang hi an sawichiang duh lo a, mahse Israel-in dirty bomb experiment program a kalpuina result chu paper-ah hmuh tur a awm nia sawi a ni thung.

Journal of Atmospheric Environ­ment-a article tihchhuahah Israel hian kum 2004 kumtir lam khan dirty bomb effect hi a zirchiang ṭan tawh niin a sawi a, document-a test a neih hnuhnun ber nia tarlan chu kum 2014-ah a ni.

Experiment hi Nuclear Research Center Negev-ah neih a ni a, hei hi Dimona khaw chhim lam, Negev thlalera awm a ni.

Kum 2013 khan Israel Defence Minister Mohse Ya'alon chuan khatih laia US Secretary of Defence Chuck Hagel chu Iran-in dirty bomb hmun hrang hrangah dah a tum thu a lo hrilh tawh.

Project siamtu scientist-te chuan mahni invenna atana ti an nih thu an sawi.