Bangladesh-ah Hindu temple suasamtu mi 4 man

Bangladesh police-te chuan Inrinni liam ta khan Hindu temple leh Hindu-te chenna in leh dawrte suasam a ti chhetu mi pali an man.

Hindu temple leh in tih chhiat kaihhnawihah hian police-te chuan thubuai ziak lutin mi 12 hming tarlan an ni a, tu tih hriat loh mi 150-170 vel inhnamhnawiha puh an ni bawk. Mi pali an mante hi tun thla tir lama Bangladesh hmar lam, Sunamganj district-a Doarabazar area-a Hindu temple suasamtu nia puh a ni.

Police-te chuan pawikhawihna hrang hrang thlenga inhnamhnawihte chu chhui zui zel an ni tih sawiin, hriatchian mi 12 awn tawh a ni, a ti. Bangladesh prime minister hlui, Sheik Hasina paihthlak a nih hnua an rama tualchhung buaina chhuak kal zelah, hnam leh sakhaw tlem zawk, a bikin Hindu te laka pawikhawihna hi ṭum 88 vel a thleng tawh a ni. Muhammad Yunus kaihhruai sorkar lailawka press secretary, Shafiqul Alam chuan pawikhawihnaa inhnamhnawih zinga mi 70 chu man an ni tawh niin a tarlang.