Amazon-in Trump Inaugural Fund-ah USD mtd 1 pe

E-commerce company lian, Amazon chuan US president-elect Donald Trump inaugural fund-ah USD mtd 1 a pe a, nakkum January 20-a US President thar atana lak luh a nih lai chu Prime Video service-ah pek chhuah a tum bawk.

Amazon foundre leh executive chairman, Jeff Bezos chaun tun kar hian Trump hi a hmu dawn a ni. Trump hian a term hmasa khan a chanchin an cover danah Bezos-a chanchinbu, Washington Post chu a lo sawisel tawh ṭhin.

Meta chuan Trump lak luh inkhawma senso atan USD mtd 1 a pek tur thu a lo sawi tawh bawk. CEO Mark Zuckerberg pawhin Trump hi a chennaah a lo hmu tawh bawk a ni.

President-elect Trump lak luhna leh a chhehvel hi January 17-20 chhung hian neih a ni dawn. Inaugural fund aṭanga USD mtd 1 chin thawte hain hun hmanna hrang hrangah ticket 6-8 an nei thei dawn a, Jnauary 20-a Presidnet lak luhna inkhawma ticket paruk an nei tel ang. Hei bakah hian Trump-a cabinet nominee te nena hun hmanna leh, vice president-elect JD Vance leh a nupui Usha Vance nena Januar 18-a zanriah buatsaihah pawh an tel thei dawn a ni, Trump leh a nupui Melania te pawh zanriah an kilpui thei dawn bawk.