NKorea sipaiten Ukraine sipai 300 an that

Russia leh Ukraine indona thleng mekah Russia sipaite pui tura tirh, North Korea sipaite chuan Ukraine sipai 300 thatin, Kursk biala thingtlang khaw pakhat chu Urkaine kut aṭangin an la tawh niin an sawi.

Russian telegram channel, Romanov Light-in kar liamta Zirtawpnia report a tih chhuahah, NKorea sipaite hian Kursk biala Plyokhovo khua thlipui ang maia chakin an bei a, Ukraine sipai 300 zet an thi a ni, a ti. He thil thlen hun hi December 6 kha nia sawiin, NKorea sipaite hian darkar hnih chhungin Plyokhovo khua hi an la a, mi man an nei lo niin an tarlang bawk. Hemi chungchangah hian Ukraine defence minsitry lam chuan sawi engmah a la nei lo thung.