Time 'Person of the Year' ah Donald Trump

US president-elect Donald Trump chu Time magazine 2024 Person of the Year atan a vawi hnihna turin thlan a ni tih report hrang hrangin an tarlang.

He chawimawina hi mimal emaw pawl emaw, khawvel huapa huhang nei lian leh nghawng nei hnenah an hlan ṭhin. He chanchin buatsaih lai hian Time magazine lam chuan official-in a la puang chhuak lo. Mahse Trump hian an ram huna December 12 zana New York Stock Exchange (NYSE) opening bell a vuak hunah, Time magazine hian 2024 Person of the Year atana thlan a nih thu hi an puang ve nghal dawn a ni.

Kum 2016-a US President thlanna neiha hnehna a chan hnuah khan Trump hi Time magazine chuan Person of the Year atan a lo thlang tawh bawk. Kumina Person of the Year tura chhawpchhuah zingah hian US vice president kalchhuak tur Kamala Harris, Tesla CEO Elon Musk, Israel prime minister Benjamin Netanyahu leh Princess of Wales Kate Middleton te an tel.