Hungary-in ICC thuchhuah a pawm lo, zin turin Israel PM an sawm

International Crimincal Court (ICC) in Gaza Strip beih a nih chungchanga Israel prime minister Benjamin Netanyahu leh defence minister hlui, Yoav Gallant man theihna, arrest warrant a tih chhuah chungchangah ram hrang hrangte ngaihdan a in ang lo hle.

ICC thupek chhuah hi Arab ramte bakah Europe ram ṭhenkhat - Spain, France, Norway, Sweden leh Belgium te chuan an thlawp a, UK pawhin a thlawp bawk. Amnesty International pawhin a thlawp hle bawk a ni.

Hetih lai hian US chuan a pawm lo thu a sawi tawh a, a pawm lo ram pawh eng emaw zat an awm bawk. ICC thu chhuah pawm lo zingah Hugnary telin, Hungary prime minister Viktor Orban chuan Israel an thlawpna lantirin, Israel prime minister Benjamin Netanyahu chu an rama zin turin a sawi. Orban chuan ICC chu Israel ram chhung buainaa inrawlhah a puh a, warrant a tih chhuah chu tute emaw nawrna vang leh thil awm lo tak a ni tiin, an thutlukna siam chu a pawm ve dawn lo tih a sawi.