Indonesia-a Mount Laki-Laki tlang kang vangin mi 9 thi

Indonesia khawchhak lama Mount Laki-Laki tlang kang vangin Pathianni khan mi paruk an thi. Tlang kangin vut sa a phuh chhuah nasat avangin tlang bulṭhuta awm thingtlang khaw eng emaw zata chengte chu sawn chhuah an ni bawk.

Thuneitute chuan tlang kang vang hian Level IV an ti chhuak a, hei hi tlang kang vanga alert tih chhuah sang ber a ni. Center for Volcanology and Geological Hazard Mitigation (PVMBG) thupuangtu, Hadi Wijaya chuan tlang kang inphuh chhuah hnuah ruah nasa taka surin,ṭek pawh a tla zui nasa hle a, mipuite an chiai phah hle niin an sawi.

Hadi chuan tlang bulṭhut aṭanga km 12 biala chengte chu sawn chhuah a ni tih sawiin, chenna in chhia leh kangte pawh a awm thu a sawi bawk. Nimin thleng khan khaw tam tak chu vut sa phuh chhuah hian a la khuh a ni.