Israel PM-in Lebanon ramri a tlawh

Israel prime minister Benjamin Netanyahu chuan Pathianni khan an ram hmarlam, Lebanon nena an inrina a tlawh. Netanyahu chuan Lebanon nena inremna an siam emaw, siam lo emaw pawh ni se, an ram hmarlamah venhimna chu khauh zawka kalpui a tiam.

Prime Minister hi army commander eng emaw zatin an ṭawiawm a ni. Lebanon helpawl, Hezbollah ten Syria kaltlanga Iran aṭang ralthuam an lak luhna kawng chu dansak an ngai tih a sawi.

Israel sipaiten khawmual leh boruak aṭanga Hezbollah laka beihpui an thlak mekah infrastructure eng emaw zat an ti chhe tawh tih a sawi. Hetih lai hian Hezbollah hian October 7, 2023-a Israel an beih aia nasa zawka beih tumin Hezbollah hi an inbuatsaih mek nia an hriat thu a aswi bawk.

PM Netanyahu-a'n ramri a tlawh lai hian Lebanon aṭangin Israel ram chhungah rocket 100 kah a ni tih Israel sipaite chuan an sawi. Heng zinga a tam zawk chu an lo kap thla a, ṭhenkhat erawh chu mihring chen lohna ram ruakah an thlak a ni.

US chuan Israel leh Lebanon hi inkahhai puang turin a nawr mek a, kar liam ta Ningani khan White House senior official, Brett McGurk leh Amos Hochstein te chu Israel-ah zinin, PM leh senior official-te an kawm. An inkawmnaah hian Iran-in a thlawp ve ve, Gaza-a Hamas leh Lebanon-a Hezbollah nena buaina an neih mek chungchangte an sawipui.