Lebanon aṭanga rocket hmanga beihnaah Israel mi 11 hliam

Israel emergency service chuan Inrinni liam ta khan Lebanon aṭanga rocket an kah chuan Israel hmarlama Tira khuaa in pakhat fuhin, mi 11 an hliam tih a sawi.

Hezbollah chuan Tira khua an beih lai vek hian Tel Aviv khaw daia Israel military base chu an kap fuh niin an sawi bawk. Irael hmar lamah hian Lebanon aṭanga rocket leh drone hmanga beih chhunzawm an nih avangin air siren pawh tih rik a ni.

Israel Foreign Ministry chuan social media lamah Lebanon aṭanga rocket kah chhuahin building a kah fuha kangmei chhuak lai video pawh a dah chhuak a ni. Tira hi Israeli Arab khua a ni a, Tel Aviv khawpui aṭanga hmarchhak lam km 25 vela hlaa awm a ni. Pawikhawihtute chu tih chhiat vek an nih hma chuan an chawl dawn lo tih an sawi.

Kar liamta Ningani khan Lebanon aṭanga rocket kah chhuah chuan Irael hmarlama Metula khua fuhin mi pasarih an thi a, thi zingah hian Thailand mi pali an tel.