Internet khuahkhirhna nasa ber China leh Myanmar

Khawvelah China leh Myanmar chu internet khuahkhirhna nasatna ber ram an ni a, ram hrang hrangah pawh internet freedom hi a tlahniam zel a ni.

US-a pro-democracy research group, Freedom House in an zirchianna, 'The Freedom and the Net (FOTN)' report a tih chhuahah, khawvel huapin a zawna a kum 14-na atan internet freedom hi a tlahniam niin a tarlang.

China hian rorellai, Communist Party tana ṭha lo tur nia post-te chu a dap chhuakin a nuaibo nghal zel. Myanmar-ah pawh sipaiten thuneihna an chan hnu, kum 2021 aṭang khan sipai sorkar sawiseltute chu bitum an ni zel a ni.

Kum hmasa lam nena khaikhina internet freedom tlakhniamna nasa ber chu Kyrguzstan ram a ni thung. Kyrgyzstan thuneitute chuan US-a NGO ten an puih ṭhin, Kloop website chu a tih tawp tir a, hei bakah sorkar sawiselna lam post-tu eptu hruaitu pawh manin nghaisak a ni bawk nia sawi a ni. November thlaa COP2 climate summit thlengtu tur, Azerbaijan-ah pawh khuahkhirhna a nasa tawh hle a, social media-a thil post vanga man mi tam tak an awm. Iraq-ah chuan Facebook-a a thil post vanga lungawi loten activist pakhat an lo that tawh bawk.

Hetih lai hian Iceland chu internet hmangtute tana khapna leh khuahkhirhna tlemna ber, “freest online environment” a ni thung a; Estonia, Canada, Chile leh Costa Rica te an dawt a ni.