NKorea-in an ram danpuiah 'hmelma ram' tiin SKorea dah

North Korea chuan an ram danpui an ennawn hnuah, an ṭhenawm South Korea chu hmelma ram, 'hostile state' tiin dah a nih thu nimin, October 17, 2024 khan a tarlang.

Kar liam ta chhung khan NKorea Parliament chu an ram danpui ziak ṭha tur hian ni hnih chhung an inhmukhawm a ni. He hunah hian an ram hotu lu ber, Kim Jong-un an SKorea chuan an ram hmelma hlun pui ber nia sawiin, ram danpuia an ziah dan thlak a ṭul thu hi a lo sawi tawh a ni.

Official Korean Central News Agency, KCNA chuan danpui siamṭhat a nih dan chungchang hi a sawichiang duh lo a, October 7-8 ah Supreme People's Assembly meeting neih a nih thu leh, hei hi inthlana chuh thei kum bithliah siamṭhat tur chungchang ngaihtuah a nih thu chauh a sawi. Mahse nimin khan South Korea chungchang an sawinaah 'hostile state' tia dah a nih thu hi an sawichiang ta a ni.

NKorea hian SKorea nena an inkalpawhna te pawh tih chhiat vek a tum thu a lo sawi tawh a, tunkar tir lam khan SKorea ramri bula kawngpui leh rel kawng ṭhenkhat pawh a bomb chhia a ni. SKorea ramri chu khar vekin, ramriah hian defence structure siam a tum thu pawh a sawi tawh bawk.