Bangladesh-in PM hlui Hasina hunlaia holiday siamte a ti tawp

Bangladesh sorkar lailawk, chief adviser Muhammad Yunus kaihhruai chuan prime minister hlui, Sheikh Hasina sorkar laia national holiday atan a lo puante chu a ti tawp vek.

PM hlui Hasina kaihhruai sorkarin national holiday atana a puan pariatte chu sut vek an nih tih Yunun chuan a sawi a, heng zingah hian March 17, president hlui Mujibur Rahman birthday pawh a tel. Hei bakah hian 'historic March 7', Sheik Hasina nuṭa birthday August 5, Sheikh Hasina nu birthday August 8, Mauibur Rahman thih cham August 15, Sheik Hasina nau birthday October 18, National Constitution Day November 4 leh Smart Bangladesh Day December 12 te chu national holiday aṭangin paih an ni bawk.

Kumin August thla khan zirlaite bul ṭana sorkar laka lungawi lohna lantirna kalzelah Sheikh Hasina hi Bangladesh prime minister aṭangin paihthlak a ni. Kum 84 mi, Nobel Prize pawh lo dawng tawh, Muhammad Yunus chu sorkar lailawk kaihruaitu, chief adviser atan ruat a ni.