Russia leh China-in joint navy patrol nei

Russia leh China navy lawngte chuan Pacific tuifinriat hmarchhak lamah joint navy patrol an nei tih Russia sipaite chuan an sawi.

Ram pahnihte hian inzawmna ṭha zawk siam tumin hma an la zel a, tun hnaiah joint military drill pawh an lo nei tawh bawk.

September thla khan China chuan joint maritime patrol an neih tur thu hi sawiin, China chu Russia 'Ocean -2024' strategic exercise buatsaihah a tel tur thu a sawi a ni. July thla khan China chhim lam, Guangdong province-a Zhanjiang khaw bul tuipui leh boruakah joint drill an lo nei tawh bawk a ni.

Pacific tuifinriata joint patrol an neihah hian Russia chuan anti-submarine destroyer - Admiral Panteleyev leh Admiral Tributs a thawh chhuahpui a, China lam hian destroyer - Xining leh Wuxi bakah Linyui leh supply ship Taihu te an hmang bawk.