France PM thar duh loin mi tam takin kawng an zawh

France president Emmanuel Macron-a'n prime minister thar atana a ruat, centre-right Michel Barnier duh loin Inrinni liam ta khan France khawpui hrang hrangah left-wing lamin kawng an zawh.

Interior ministry chuan ram pumah lungawi lohna lantira kawng zawh chu mi nuai khat chuan an ni tih a sawi a, mahse left-wing lam chuan mi nuai thum an tling tih an sawi thung. Paris khawpui bikah pawh pungkhawm hi 26,000 a ni tih sawiiin, Nates, Nice, Marseille leh Strasbourg-ah pawh rally hi neih a ni bawk.

President Macron hian kar liam ta Ningani khan kum 73 mi, foreign minister hlui Barnier hi France Prime Minister thar atan a ruat a ni. Mahse left wing lam hian PM atana a ruat hi an duh lo a, kum 37 mi, economist Lucie Castets chu an ram PM turin an duh zawk a ni. President Macron erawh chuan Castets hi ruat mah se, Parliament-ah fiahna a paltlang zo dawn lo niin a sawi thung.