Bangladesh-ah mi nuai 1.94 lakah thubuai ziak lut tawh

Bangladesh-a prime minister hlui, Sheikh Hasina kaihhruai Awami League (AL) sorkar chu mipuite nawrh huaihawtna avangin August 5 khan paihthlak a ni a, hemi hnu hian mi nuai 1.95 lakah thubuai 268 ziah luh a ni tawh. Thubuai siamsak zinga tam tak hi AL hruaitute leh activist-te a ni a, PM hlui Hasina pawh thubuai 100 vel siamsak a ni tawh bawk.

Rights body Manabadhikar Shongskriti Foundation (MSF) chuan thubuai siamsak zat hi tarlangin, mi nuai 1.94 zingah hian an hming tarlan mi 26,268 an awm. MSF hian tualchhung human rights pawl leh media report hrang hrang a zirchianna aṭangin report hi a siam a ni.

July leh August chhung khan tualchhung buaina chhuak leh, police lam silai hmehpuah vanga thi chu mi 808 vel niin, hliam hi mi 33,000 chuang an tling niin a tarlang.

PM hlui Sheikh Hasina hi nawrh huaihawtte avanga an ram aṭanga a tlanchhiat hnuah India-ah thla khat dawn a awm tawh. Bangladesh mipuite chuan a thubuaite hmachhawn tura Hasina hi an rama thawn kir turin India sorkar chu an ngen a ni.