Chinese leh Philippine lawng insu, ram pahnihte indem ve ve

South China Sea-ah Thawhṭanni, August 19 khan Chinese leh Philippine coast guard lawng te an in su a, an lawng hi a chhe nual ve ve, thi leh hliam erawh an awm lo. Ram pahnihte hi Sabina Shoal-a insutna thlengah hian an in dem ve ve a ni.

Lawng pahnihte insutna hmun hi Spartly Islands niin, he hmun hi China, Vietnam leh Taiwan-in neitu nih an inchuhna lai a ni.

China coast guard chuan zing dar 3:24 bawr velah Phillipines lawng pahnih te chu Shoal hnaihah kalin, warning leh information an pek te ngai pawimawh loin lawng pakhat zawk chuan Chinese coast guard lawng chu a rawn su lui niin a tarlang. He insutna thlengah hian Philippine lam chu a mawhphurtu zawk a ni, a ti.

Hetih lai hian Philippine sorkara National Security Council chuan Chinese coast guard te chuan information dik lo an pek avangin lawng insutna hi a thleng niin an sawi ve bawk.