Myanmar-ah hri kai tam ber ni thleng
Myanmar ramah Thawhlehni khan Covid-19 kai hmuh chhuah thar mi 95 awmin, ni khata hri kai hmuh chhuah tam ber ni a thleng.
An rama hri kai hmuh chhuah hmasa ber chu March thla tawp lamah a ni a, nimin thlenga hri kai hmuh tawh hi mi 882 awm awhin, an zinga 354 chu enkawl dam an ni tawh a, mi parukin an thihpui tawh bawk.
Tun hnaiah Myanmar-ah hian hri kai hmuh thar an pung chho a, a bikin khawthlang lam Rakhine state-ah hri kai an pung zual a ni. Hei vang hian Rakhine state-ah chuan hri darh tur venna atan ṭul loah pawn chhuah khap a ni a, phalna nei loa zin pawh khap a ni bawk.