Taiwan-in passport thar nei dawn

China passport nena hriat pawlh fo a nih vangin Taiwan cabinet chuan nimin khan an ram passport chu design danga siam thar tum a nih thu a tarlang. 

Taiwan passport hman mekah hian a chunglamah Republic of China tih a chuang a,  hei vang hian China passport emaw tih a awl viau a ni. A thar tura an duanah chuan TAIWAN tih chu lian zawkin tih lan a ni tawh thung.

July 22 khan an ram passport siam thar an tumna hi legislature chuan a pawm a, nimin khan chianchinbumite hmaah Taiwan cabinet chuan an ram passport design thar siam tum a nih thu hi an sawi chhuak ta a ni. 

Taiwan foreign minister Joseph Wu chuan passport thar an mamawh thu sawiin, Covid-19 hri len lai hian ram hrang hrangte chuan an ramri an ven ṭhat hle thu a sawi a, entry check point-a passport an lo en dikin China passport nena hriat pawlh a nih fo avangin an ramin passport design thar hman ngei a ngaih thu a sawi bawk.