Lei dawhtu kutthlaktute dem

Central YMA chuan thuchhuah siamin, June 3, 2016 zana Leng-pui tlang-val ṭhenkhat awm
ṭha duh lote'n Sihhmui-Lengpui inkara Tlawng lei dawhtute tibuaia kut an thlak chu an dem thu an tarlang a; "Hetiang mi awm ṭha duh lo, mi pawi sawi lote pawngpaw sawisatute hian an phû tâwk hremna an dawn ngei kan beisei tlat a ni," an ti.

CYMA chuan, zu vanga Mizo-rama harsatna thleng fo chu pawi an tih thu an sawi a; zu leh a kaihhnawih lakah inthiarfihlim tlat turin YMA member-te an chah bakah, zu rûi hawklakte an tlangnél loh nana ṭan la turin an ngen a ni.

Mizoram Civil Engi-neers' Association (MCEA) pawhin thu-chhuah siamin, Tlawng lei dawhtute kutthlak an nih chu an dem tak zet thu an tarlang a, "Lei pawimawh tak ṭha leh tluang taka dawh zawh thuai a nihna tura mahni in lum chhuahsana lei dawhna hmuna riah chilhtute chunga tharum thawhtute hi an phû tawk hremna pek ngei ni se tih hi kan duh dan a ni," an ti.

Kanan branch YMA pawhin thuchhuah siamin, "Kan executive member Saihmingliana, SDO a hnathawhna hmuna thisen chhuak khawp kutthlak a ni hi pawi kan ti a, kan dem hle," a ti a, pawi khawihtute chu dan anga hrem ngei an phut thu an tarlang.