

NCD Screening & Awareness Campaign
National Health Mission (NHM) hnuaia National Programme for Prevention and Control of Non-Communicable Disease (NPNCD) chuan nimin khan Health department hnuaia thawkte tan natna inkai chhawn theih loh, non-communicable diseases (NCD) chungchangah inzirtirna leh NCD screening an buatsaih.
NCD Screening & Awareness Campaign hi Directorate of Health Services building-ah buatsaih a ni a, NHM mission director Dr Eric Zomawia'n natna inkai chhàwn theih loh chungchang leh nun dan hrisel chungchang a sawi.
NCD screening-ah blood pressure leh blood sugar bakah, hnute cancer leh ka chhung cancer vei leh vei loh enfiah a ni a, dinhmun enfiah mi 115 zingah BP sang leh zunthlum nei eng emaw zat hmuh chhuah a ni.
NPNCD hian May 3, 2024 khan Directorate of Hospital & Medical Education building-ah screening an lo buatsaih tawh bawk a, mi 116 enfiah zingah zunthlum leh BP sang nei eng emaw zat an lo hmu chhuak tawh a ni.