John Hopkins University-in a tarlan danin, khawvel pumah nimin thleng khan Covid-19 kai mi maktaduai 38.8 an awm tawh a, hripui thihpui hi mi 10,97,180 an tling tawh bawk.
Ram hrang hrang zingah US chu hri kai leh hri thihpui tamna ber ram a la ni chhunzawm zel. US-ah hian Covid-19 kai hi 79,77,097 awmin, an zinga 2,17,754 in an thihpui tawh a ni.
US dawtah India leh Brazil chu hri kai tamna ram pahnihna leh pathumna an ni a, mahse Brazil aiin India ramah he hri vanga thi hi an la tlem thung. Brazil-ah hian hri thihpui hi mi 152,460 awmin India-ah mi 111,266 in an thihpui tawh. Khawvel puma Covid-19 kai zinga 50% chuang hi US, India leh Brazil rama mi an ni.
Covid-19 vanga mi 10,000 chuang thi an awmna ram dangte chu: Mexico (85,285), UK (43,383), Italy (36,372), Spain (33,553), Peru (33,512), France (33,146), Iran (29,605), Colombia (28,457), Argentina (25,342), Russia (23,350), South Africa (18,309), Chile (13,434), Ecuador (12,306), Indonesia (12,268), Belgium (10,278) leh Iraq (10,086) te an ni.
Login to comment
No Comments