BTS Jungkook-a'n hla thar ti chhuak dawn

BTS member, Jungkook chuan tun kar hian a hla thar, 'Never Let Go' a ti chhuak dawn tih BIGHIT Music chuan nimin khan a puang.

'Nevet Let Go' hi Jungkook hian an fan-te puala a phuah niin, khawvel hmun hrang hranga ARMY te duhsakna leh hmangaihna an dawn avanga lawmthu a sawina a ni. June 7, an ram huna tlai dar 1-ah a hla thar hi Weverse leh BTS official social channel-ah tih chhuah a ni ang. 'Never Let Go' hi Jungkook-a solo debut album, 2023-a tih chhuah 'Golden' hnua solo music a siam leh hmasa ber a ni. 'Golden' album hi Billboard 200 album chart-ah No 2 a thleng pha a ni.