Rimawi Khawvel buatsaihin khuarel chhiatna tuarte ṭanpuina leh ralna hun hmang dawn

Zanin dar 7 hian Vanapa Hall-ah Rimawi Khawvel buatsaihin, tun hnaia Mizorama thlipui tleh leh ruahsurin chhiatna nasa tak a thlen tuartute ṭanpuina leh ralna hun neih a ni dawn. Zaithiam lar tak takten hun rawn hmangin, LPS HD leh Rimawi Khawvel YouTube channel-ah live-a pek chhuah a ni ang.

Zaithiam inlan turte hi - Zaii Hauchhum, Lalrinhlui Tlumkang, Mary Dawngin, T. Vanlalhmangaihi, K. Lalthlamuankimi, Sangtei Khuptong, Fran-a, Zothanzuala, Rebecca Lallawmsangi, Marina V. Varte, R. Lalhmingmawia, Johnathan Lianhna, Zoremi Ralte, Timz Tlau, Rinsangpuii Tuallawt, R. Lalramchhana, Thawhlehnaniropuia, PC Lalremruata leh Leprosy Mission Choir te an ni.

Vanapa Hall-a hun hman turah hian a duh tan a hmunah chhim theih a ni dawn a, a thlawna luh theih vek a ni ang. Chhiatna tuartute ṭanpuina leh ralna pe duh tan Gpay No : 9862015791-ah pek theih a ni dawn bawk. He hunah hian midangte ṭanpuina atana luangchhuak ve turin mipuite an ngen.