Idomeni camp-a raltlan awmte sawnchhuak

Greece sorkar chuan a ram hmarlam, Macedonia ramri bula Idomeni camp-a raltlan awmte chu nimin zing aṭang khan a sawnchhuak.

Idomeni camp hi awm lailawkna tura siam a ni a, hei vang hian thuneitute chuan hmunhma leh hmanrua ṭha zawk awmna hmunah a sawn a ni. Zing khawvar ṭantirh aṭangin police motor leh bus hmangin camp-a awm≠te hi sawnchhuah a ni.

Macedonia hian a ramri a khar avangin ramri bulah hian

raltlan tam tak an tangkhang mek a, February thla aṭang khan raltlan 8,000 vel zet an tangkhang tawh. Raltlante awmna tur hian camp hi siamchawp a ni a, camp dinhmun hi ṭha lo viau mah se he hmuna awm mek mi tam tak chuan hmun danga sawnchhuah hi an duh lo.

Idomeni camp-a awmte Syria, Iraq leh Afganistan aṭanga kalte an ni a, ramri aṭanga hmun hla zawka sawn an nih dawn avangin an duh lo niin an sawi. An dinhmun ṭha lo zawk mah se, ramri hnaiha awm zel chu an duh tih an sawi.

Nimin zinga camp-a awmte thiarchhuah an nih lai hian police-te chuan journalist-te kal an remti lo. Police-te chuan ni 10 chhungin camp-a awmte hi sawnchhuah fel hman an beisei a ni.