Austria inthlanah independent candidate chak

Austria President thlanna, Pathianni-a neih takah independent candidate Alexander van der Bellen a chak.

Alexander van der Bellen hian vote tla aṭanga 50.3% a hmu phak a, far-right Freedom Party candidate Norbert Hofer chuan 49.7% a hmu. Hofer chuan a chak loh a pawm thu a sawi a, an ram enkawl hna chu thawh chak hle mah se, mipuite duhthlanna a pawm thu a sawi. Amah thlawptute chu an rilru ti na lo tura ngenin, an campaign-nate chu a thlawn lo a, an ram tan investment ropui tak an ti a ni, a ti.

Thlan tlin a nih thu a hriat hnua Vienna-a Palais Schoenburg-a media mite a kawmnaah, Van der Bellen chuan mipuite chungah a lawm thu sawiin, Austria mipui zawng zawng tana president a nih tur thu a sawi. President thar hi July 8 ah lakluh a ni ang.