China-in Myanmar ramri a khar

China chuan Myanmar ram aṭangin Covid-19 kai, dan loa an ram lut an awm fo nia sawiin a ram chhim thlang lam, Yunni province-a Myanmar nena inrin, Ruili khua chu a khar. 

Official-te chuan mi nuai hnih chuang chenna, Ruili khuaah tun hnaiah hri kai pathum hmuh thar an ni tih sawiin, Myanmar ramri hi an khar tih an sawi. Khawpuia chengte pawh ṭul bik thilah lo chuan pawn chhuak lo tura tiin, Covid-19 test nei vek tura tih an ni bawk. 

Tualchhung thuneitute chuan hri kai hmuhte hi Myanmar aṭanga lut niin an sawi a, hei vang hian dan loa an rama lutte dap chhuah an tum dawn tih a sawi. Ruili khua bakah border prefecture pariat leh border county 25-ah pawh khuahkhirhna kalpui a ni dawn bawk a ni. Tualchhung mite hnenah pawh dan loa ramri kana lutte chu report zel tura hriattir an ni. 



Share this Post

Login to comment
No Comments