Slovakia PM Robert Fico na takin kap hliam

Slovakia prime minister Robert Fico chu an ram huna Nilaini khan sorkar meeting a nei zo a chhuak chu silaiin vawi nga kah a ni.

Nilaini zan vek khan PM Fico hi damdawi inah zai nghal a ni a, darkar eng emaw zat zai niin, dinhmun hlauhawm lutuk a ni tawh lo nia sawi a ni. Silai mu pakhat hian a dulah fuhin, pakhat hian a ruh chuktuah laiah a fuh bawk.

Inkahna thlenna hmun hi Slovakia ram laili lai, Handlova khuaah a ni a, a kaptu hi kum 71 mi, Juraj Cintula niin Slovak media-te chuan an sawi. Cintula hi police-te'n an man nghal a ni.

Slovakia hi NATO leh European Union member niin, ram lian lo tak, mihring pawh mi matkduai 5.4 chauh awmna a ni. An ramah hian politics kaihhnawiha tharum thawhna leh pawikhawihna lam chi a thleng khat hle.

Kum 59 mi, Robert Fico hi Slovakia Prime Minister vawi li a nihna niin, nikum khan a vawi lina atan hian lak luh a ni. Russia lam thlawptua puh a ni a, inlaichinna ṭha an neih theihna atan Slovakia foreign policy pawh thlak danglamah puh a ni bawk. Russia-in Ukraine a rûn hnuah, an ramin Ukraine sipaite puihna an pek ṭhin chu tihtawp a tiam a, nikum inthlana an chak hnuah hei hi a titawp zui nghal a ni.