1st Runners-up Evelyn Zachhingpuii

Evelyn Zachhingpuii hi March 5, 1999-ah a piang a, a pa C.Lalremruata leh a nu Lalzamkungi a ni a, Aizawl Saikhamakawnah an cheng. Kum 2023-ah post graduate (Master of Sociology) a zo.

Kum 2018-a Miss Chapchar Kut thlannaah 3rd runners up a ni a, 2019-2020 khan Pachhunga University College (PUC) Miss thlannaah 1st runners-up-ah thlan a ni bawk.

Evelyn chuan Zonet leh Mizoram Journalist Association (MJA) ṭangkawpin Miss Mizoram an buatsaih ṭhin chu hlu a tih thu sawiin, "Mizo hmeichhiate hi hnam dang hmeichhiate lakah pawh kan duai lohzia, kan pawnlam mawina mai ni lova chhungril mawina, finna leh thiamna kan neih ṭhatzia phochhuah theihna hun min siamsak a, Mizoram tana rawng an bawlnaah ka ngai a, an chungah ka lawm takzet. Ka chhungte leh ka ṭhiante, a tir aṭanga atawp thlenga min support-na zawng zawngah ka lawm takzet a ni," tiin a lawm thu a sawi.