Brazil aṭanga frozen chicken lakluhah Coronavirus AN hmu

China chhim lam, Shenzhen city sorkar chuan Bra­zil ram aṭanga frozen chicken wings lakluh chu sample enfiah a nih hnuah coronovirus hmuh a nih thu Nilaini khan a sawi. 

Disease control centre chuan June thla aṭang khan sa leh seafood an lakluhte chu screening an nei ṭhin tih sawiin, chicken wings sample an enfiahnaah a lo positive tih an sawi a ni. Health authority lam chuan hri an hmuhna bula ei tur dang lakluhte chu an enfiah leh nghal vek a, mahse a dang result chu a negative vek tih an sawi. 

Shenzhen Epidemic Prevention and Control Headquarters chuan he thil thleng vang hian mipuite chu sa leh seafood lakluh lakah fimkhur turin a chah nghal. Brazil embassy chuan  hemi chungchangah hian thuchhuah a la nei lo. 

Hetih lai hian mi thiamte chuan SARS-CoV-2 virus hi ei tur leh food packaging material-ah awm thei mah se, room temperature-ah chuan hun rei tak a dam thei lo tih an sawi thung. 



Share this Post

Login to comment
No Comments