Rajasthan an che ṭha zel

IPL-ah Rajasthan Royals-in Inrinni zan khan Lucknow Super Giants chu wicket sarihin an hneh. Royals hian match kuaah vawi riat chakin point 16 an hmu tawh a ni.

Ekana Sports City, Lucknow-ah Royals-in vawm hmasak an thlang a, Super Giants tan KL Rahul (76) leh Deepak Hooda (50) te che ṭhain 196/5 runs an siam.

Royals lamin Sanju Samson an kawl a, ani hian ball 33 lekah 77 runs siamin a thi lo. Dhruv Jurel pawhin thi loin ball 34 aṭangin 52 runs a siam a, over 19-ah 199/3 runs siamin hnehna an chang.

Inkhel dangah Punjab Kings-in Kolkata Knight Riders wicket riatin an hneh a, Delhi Capitals-in Mumbai Indians 10 runs-in an hneh bawk.

Zanin dar 7:30 hian Delhi Capitals leh Kolkata Knight Riders te an inkhel dawn. KKR hian match riatah point 10 an hmu tawh a ni.