South Sudan-a Warrap state hmar lama Tonj-ah Thawhlehni khan sipai leh mipuite inkarah buaina chhuakin, mi 70 an thi tih UN thupuangtu Stephane Dujarric chuan a sawi.

Dujarric chuan tun hnaia President Salva Kirr leh a khingpui, Riek Machr-ten an ram chhunga ralthuam tihtlem a nih theihna tura inremna an siam bawhzui a , sipaiten ralthuam dapa beihpui an thlak hnuah civil mi ralthuam kawlten an pek duh loh avangin  buaina hi a chhuak fo niin a sawi. Pathianni khan Warrap state-a Tojn East county-ah sipai leh civil mite inkarah buaina a chhuak a, he buaina hi hmun dangah a punlun ta zel a ni. 

Thawhlehni khan Romich khuaah buaina hi  chhuak ve lehin, civil mite chuan ralthuam nen sipai hmun an bei zui a ni. Romich-a buaina chhuak vang hian mi tam tak chu an tlanchhia a, buaina chawk chhuaktute hian dawrte halin an rawk bawk nia sawi a ni. Buaina chhuak veng tur hian UN sipaite pawh tirh nghal an ni bawk. 

UN chuan civil mi ralthuam kawlte chuan an ralthuam kawlte thuneitute hnena pe tura ngenin, khawtlanga boruak muanawm a awm theihna tura theihtawp chhuah turin a  ngen. 

Share this Post