Hong Kong-a national security law thar bawhchhiaa puh man, chanchinbumi Jimmy Lai leh pro-democracy activist Agnes Chow chu nimin khan bail-a chhuah an ni. 

Jimmy Lai hi Thawhṭanni khan ram dang sipaite a ruka thawhpuia puh avangin national security law thar hnuaiah man a ni. Agnes Chow hi Lai an puhna ang bawk hian puha man a ni bawk. 

Bail-a chhuah phalsak a nih hnuah police custody aṭanga Lai a chhuak hi amah thlawptu mi 100 chuangin an lo lawm a, a chanchinbu Apple Daily chu an thlawp zel tur thu leh a tawp thlenga bei tura an fuihna thute kengin Lai hi an lo hmuak a ni.

Thawhṭannia Lai man a nih khan Apple Daily headquarters chu police-te chuan an dap sak a, security law-a Article 29-a mahni emaw midang/thil dang hmanga ramdang aṭanga thlawpna neite chu damchhung lungin tan tir theih tih thu hmanga Lai hi man a ni. 

Lai hian bail-a chhuah a nih theihna atan hian US dollar 38,461 leh security atan US dollar 25,805 chawi tir a ni. 

Kum 71 mi Lai hi Committee to Protect Journalist-a Asia program coordinator Steve Butler chuan a thlavang hauhin,  an man chungchangah hian sorkar lam sawisel zawnga chanchinthar ziah chu khapsak ang an nih thu leh, chanchinbu mite rahbehna nia a lan thu a sawi. 

Share this Post