New Zealand ramah ni 100 chuang zet ramchhung mi hri kai hmuh chhuah thar an awm loh hnuah, a ni 102-naah hri kai pali hmuh an ni. Hei vang hian inthlanpui neihna tura hmalakna pawh tihkhawtlai nghal a ni. 

Prime minister Jacinda Ardern chuan hri kai hmuh an nih leh tak avangin September 19-a an ram inthlanpui neih an nihna tur atana pawimawh, Parliament ṭhiah hun pawh a titlai rih tih a sawi. Inthlan neih tur leh neih loh tur chungchang erawh thutlukna siam a la ni lo. 

Nimina TV kaltlanga media conference a neihah, PM Ardern chuan inthlan chungchanga thutlukna siamna tur chuan a la hma rih niin a sawi a, mahse a ṭul a nih chuan a ni hi tihdanglam a ni ang, a ti. 

Health official-te chuan hri kai hmuh thar palite hi Auckland-a chhungkaw khat ami an ni tih sawiin, an contact tracing pawh neih nghal a ni, an ti. Hri kai an awm leh tak avangin Nilaini aṭang khan Auckland-ah chuan  khuahkhirhna siam leh nghal a ni a, ram chhung hmun dangah erawh chuan khuahkhirhna hi thlahdul chhoh a ni tawh. 

Share this Post