November thlaa US President thlanna neih tura Democrats party candidate, Joe Biden chuan inthlana a thawhpui tur, a vice president candidate atan Asian-American, Senator Kamala Harris a thlang. 

Democratic convention, karleh Thawhṭannia neihah Biden hi Democratic president candidate tan nemngheh a ni dawn a, a thawhpui tur Kamala Harris pawh nemngheh a ni nghal dawn a ni. 

Kum 55 mi, Kamala Harris hi kum 2016-a US senator atana thlan tlin a nih khan mihang hmeichhe zingah senator ni thei pahnihna a ni. Joe Biden-an thawhpui tura a thlan hian African American zingah a tlak nat phah hle rin a ni. Harris hi a nu Indian niin, a pa Jamaican a ni. University of California aṭangin law degree a nei. Kumina President thlan tura Democrats candidate chuh tum zingah pawh a tel a, mahse campaign-na tur sum mamawh ang an neih loh avangin president candidate chuh a tumna hi a hnuah a titawp leh a ni. 

A hmain vice president candidate atan hmeichhia hi pahnih chauh ruat an la ni. Kum 2008 khan Republican party vice president candidate tan Sarah Palin ruat ani a, kum 1984 khan Democrats-in Geraldine Ferraro an lo ruat tawh bawk. Mahse an pahnih hian an chak zo lo ve ve a ni. 

Share this Post