Hong Kong legislative inthlan, September 8-a neih tura ruahman chu hri kai an pun thar leh avangin sawn a ngai maithei nia sawi a ni. Hetih lai hian eptu lam chuan sorkar chu hri leng chhuanlama hmang a, inthlan hun tihkhawtlaina atana hman tumah an puh thung. 

Hong Kong-ah hian July thla tir lam aṭang khan hri kai hi an pung chho leh ṭan a, hri kai hmuh chhuah tawh hi mi 3,100 chuang an awm tawh a ni. Sorkar chuan hri leng darh tur venna atan social distancing dan khauh zawka kalpui lehin, mipui awmkhawm khapna leh zan dar 6 hnua restaurant-a chawlh khapna te a siam leh a ni. 

China sorkarin Hong Kong tana security law a siam thar chu July 1 aṭang khan hman ṭan a ni a, hei hi Hong Kong mipuite chu dodalin, dan thar duh lohna hi an lo lantir fo tawh a ni. He dan siam thar hi China-in Hong Kong thuneihna awpbeh a tumna, sorkar dodaltu leh democracry thlawptute nekbeh a tumna niin mipui tam tak chuan an ngai a ni. 

Share this Post