SYS Minister-in State Sports Academy a tlawh

Sports & Youth Services (SYS) minister Zo-dintluanga chuan, nimin zing khan Zobawk, Lung-leia State Sports Acade-my siam mek a tlawh a, tluang taka siam zawh a nih theih nan ruahmanna an siam.

Zodintluanga chuan, State Sports Academy tur chu beisei angin kal-tluang lo mah se, theihtawp chhuaha kawng hrang hrang dapin, ṭhalaite'n an chhawr ṭangkai theih ngei tura puitlin tum a nih thu a sawi a; amah ṭawiawmtu PWD chief engineer Lalmuankima, superintending engineer Bowman leh engineer dangte nen chak lehzuala hna thawh theih dan tur an sawiho a ni.

Minister Zodintluang-a hian nimin zing vêk khan Sazaikawna Multipurpose Hall sak mek a tlawh a, "A hun taka zo turin
ṭan lak a ni a, sak zawh a nih hun chuan dis-trict level sports competi-tion leh state level intihsiakna basketball, volleyball, badminton leh boxing bakah, game hrang hrangah indoor-ah intihsiakna a neih theih a ni ang," a ti.